الأحد، 18 مارس، 2012

كـنت مـتأمــل اشــوفـك


(( مـتأمــل اشــوفـك  ))

كـنت مـتأمــل اشــوفـك  ...  ليت تسمح لي ظروفك
مدري وقتك وإلا خوفك  ...  مــانعك توفـي بوعـدك

جـبت لك شـوقي هـديّه  ...  وكــــان ردك لـي أذيّه
لا تقــول اصـــبر علـيّه  ...  من عــرفـتك هـذا ردك

أنـا ســـاكت مـا اتكـــلم  ...  بس لـي روح(ن) تـألم
قلــبي مــا وده يتـعـــلم  ...  لو جـرحـته بكثر صدك

قلــب حـــبك مـا يتـوب  ...  غـصـب عـنّه لـو يذوب
لو عـرف طـبعك كذوب  ...  باقي مـتأمل في وعـدك


شــــعـر
نواف بن يوســف الســعـداني
يوم الســبت    27/02/1433هـ  ///  21/01/2012م