الجمعة، 21 أكتوبر، 2011

التجــــربة صـــارت ويا لعـــبة الطـــيش ..

قصيدة التجربة ..صوتية

(( التجــربة صـارت ))

التجــــربة صـــارت ويا لعـــبة الطـــيش
حـــنا عـلقــنا والهـــوى صـــدق بلـشـــه
لـو نـدري الدعــوة تجـــارب وتهـــويش
مــا كــان حـــال القـــلب يزداد وحـــشــه
و كــنا اجــتنـبنا درب لـيــل المــغــابيـش
ولا مـشــى هالقــلب بعــــيـون عـمـشـــه
مـســـكـين قلبـي مــد كـفـه يبـي يعـــيـش
وا شـــين حـــظــه ابلـشــــه ثم طــــشــه
من عــقـبكم قـد صــار قلـبي هـشــاهـيش
طـحــنا وطـــيحــتنا  كمــا طـــيح قـشـــه
يا اللـي تنـاهـجــتـوا مــناهــيج تـطـــنيش
مـن صــــدكم مـذهــــول قـلبي بدهـشـــه
نســيتوا مـا ذقــتـوه من حــالي العــــيش
ذقـتـوا عــســل صـافي ومـا فـيه غـشــه
ذليتـوا رجـل(ن) غادي بعــقـل تشــويش
دمـــعـه نـزل و لا لـقـى مــن يـمــشـــــه
هـيبته ضاعـت مـع رجـال(ن) حــناتيـش
مـن بـاح ســـده مــا بـقـى شـي خـــشــه
غدى ضعـيف(ن) مثل طـير(ن) بلا ريش
تـوه صــغـير(ن) ما عـرف غـير عــشـه
لو طـاح مـن عــشـه غـزته المــنـاهــيش
وإلا مــرض مـن زود بــرد(ن) يلــشــــه
يـا قــوهــا منكم حــصـــاة الحــراحـــيش
يا اللي المـشـاعــر صـــوبكم دوم هـشــه
حــتى نـقــشـــتـوا حـــبـكم  بالمــناقــيش
ولا ظــنتي اقـــوى عـلى محــي نقــشـــه
لا نـقــشــــــة الحــــنا ولا هـي دنـاديــش
نقــش الصـخــر مـنهـو بيـقـدر يـمــشـــه
ليـش التجــارب واللعــب بالهـــوى ليـش
اللـعــــــــب بالكـــبريت يـامـــا يـوشــــــه
هــي تجــربة وفـرقــت صـــفـة الجـــيش
ضـاعت صـفـوف(ن) قـادها اليوم دبشـه
شـف فـعـل عـين(ن) بطـشها بالمراهـيش
ترهب جيوش(ن) دون سيف(ن) وبطشه
مـاعـــاد تفــــرق تجـــربه وألا تهــمــيش
قـلـب انكـســــــر يا تجـــبره يا تطــــشــه
جــبرة ســعــيد(ن) ينـعــم بناعــم الريـش
وإلا فـقـــيـد(ن) وادفــنه وســط نعــشــه


     شـــعـر
     نواف بن يوسـف السـعداني
     يوم الإثنــين      25/03/1427 هـ ///  24/04/2006 م

القلب مايبكي على شخص نصاب ...

(( شخص نصاب ))

العـين معـمي شـوفها طول الغــياب
ما ألومها تعـمـى مـن أسـباب فـرقا
يامـا حـبسـت الهم عن كل الاقـراب
والعــين خــانتني وبالدمــع غـــرقا
العـين تنعي غيبة(ن) مالها اسـباب
يا خـوفي بايعــني وأنا اللي له ابقا
قلبي نغـــزني من بعــد ذاك الكـتاب
اللي كـتب به لوعــة أبيـات حــرقا
كــنه يوادعــني ولا وده حـــســـاب
يا ليت واجـــهـني ولا راح ســـرقا
لو كان له حـق(ن) يعاتبني اعـتاب
لكـنه اوهـمـني ومـن سـمــه اســقا
والقلب مايبكي على شخص نصاب
يبكي حـظـوظ(ن) وينها اليوم تلـقا

شــــعــر

نواف بن يوسـف الســعـداني
1415هـ  ///  1995م

الثلاثاء، 10 مايو، 2011

عـطــرالوفــا بـاقي لي أنفــاس ومـكان ...


(( عــطـر الـوفــا ))


عـطــرالوفــا  بـاقي لي أنفــاس ومـكان
صــاين وداد الــروح ولا قـــد خـــذلها
وطـيبك بقى له عـندي بالصـدر نشـوان
أنفــاســــك العـــذبة الصــــدر مـا مــللّها
عـطـرك طـلع من صـدر انســان ولهان
حــتى تســــــلل للعـــــروق ووصـــــــلها
لو مـا صـدق ما ضـمـت الحـب جـدران
ولو كــانت الذكــرى وهـــم ما حـــمــلها
وغـرفة اجـمعـتنا مالها اسوار وقـضـبان
مــر الخـــريف و ياســه مـا قـد دخــلها
الله حـرســها مـن تصــاريف الأحـــزان
الله حـرســـها بوافـي قـــــلوب أهــــلـها
اشــــواق حــبك باقــيه بقـلب ما خــان
أهــدتني روحٍ(ن) تحــيى فـــيني أمــلها
واسـتوطـنت قـلب(ن) من الحب شـفقان
هـو ضـــمها باخــلاص ولا قـد عــزلها
لو مهـما ذقـنا عـلقـم غــياب وحـرمـان
مـا مـاتت رجــاوي الأمـل قــبل اجــلها
واعذب طـيوفك ساكن(ن) فيني وجـدان
قـــدام عــيني ولا عـمــــره هـجـــــرها
يامـــــا تخــــيلتك وأنـا مـــعـك ولـهـان
حـتى ذكـرت العـــين وأحـــلى غــزلها
اللي بها جــفـن الدلـع مــال نعــســـان
مـــيل قــــوايـم روحـــي ولا عــــدلـها
والقـلب مـيل ما شـرب صـافي غـدران
بـاقي برجـى غـيـمــة وصــال ووبلـها
غيمـة تجـي تروي تعـب قـلب ظـمـيان
ثـم تنبـت أعـشــاب وزهـــر من بللـها
لو جـا رذاذ(ن) منك يحـيي لي جــنان
حـتى في عـز الصــيف يبـقـى مــثلـها
تطــمــني باقـي وفيٍ طــــول الأزمــان
والقــــلب مع روحـــك ترى ما خــذلها
شــــعــر
نواف بن يوسـف الســعـداني
يوم الإثنـــين   13 / 12 / 1430هـ  ///  30/ 11 / 2009م

الجمعة، 1 أبريل، 2011

يا ليت كل عيد(ن) مثل عـيدنا العام ...

(( عــيدنا العـــام ))

يا ليت كل عيد(ن) مثل عـيدنا العام
يــوم إن ربـي كــــــاتب(ن) وإلتقـــــــيتك
والله لا اجــدد لك عـهــد بالوفــا دام
ولـو نســـــيت العــمـــــر لا مـا نســــيتك
يدور بي حــزني على طـــول الأيـام
واقــــول يا عـســــــر الليـالي عـصـــيتك
باصــون أنا كـل الغــلا رغـــم الآلام
ولـو تطـــــوّل غــــــيبـتك مـا عـــــزيـتك
محــروم وصـلك بس بإيديني أحـلام
انــام واحـــــــلم بـك إلـى مـن بغــــــيتك
بنـات الأفـكار ارضــعـن منك الإلهـام
كــــتبت لك بيتــــــين ثــم(ن) بكـــــيـتك
القـصــــة اللي جــففت حــبر الأقــلام
عـــامــين لـو تمـمــــتها مـا شــــكـيـتك
حـتى ولا كـمـل وصـالك نصـف عــام
شــهـرين ولـو كـانت نهــر ما ارتويتك
سعـيت لرضاتك وعمري غدى حـطام
لكـن مـن بقــــايا حـــــطـامي بنـــــيتك
سـلمت لك روحي لو اسـرفت بإجـرام
مسـتعـمـر(ن) قـلبي وأنا اللي رضـيتك
طــوّعـت لك كل الأحــاســيـس خــدّام
حـتى بعــــــزة نفـســــي أنـا افــــتديتك
حــطـيتك بـشـــرع المـواجـــيب قــدام
ذلـيت نفـســـي وإنت عـلّـيت صــــيـتك
لكـن تـرى اذلالـي بحــــبك لـي اكــرام
اكـــرمـتني بلــذة جــــروحـك وجـــيتك
هــذا غــرامي لك ترفـــرف له اعـــلام
والـروح تهــــتف لك إلى مـن دعــيتك
غــــلاك بـاقـي وأنـا مـا خـــفـت لــوّام
لكـن مـنعــني عـهــدي الـلي عـطـــيتك
عهـد(ن) جـبرني اتـركك دون ما انـلام
امحــيك كـذب وبالأصــــل مـا محـــيتك
 لكن غـلبني الشــوق وغـيرت الأحـكام
يفـضـحــني لســـاني إلى من طــــريتك
واكـثر فـضـحـني دمع بعــيون منضـام
دمـع الغـــلا مـا هــو رجــا لو رجــيتك
النفـس مـنّك تشــتهي شــم الأنـســــام
انســام طــيب(ن) تاتي من يـم بـيــتـك
تشـفي عـليل(ن) يشـتكي كثر الأسـقام
وتبتـــدي مـن حــيث مـا أنـا انتهـــيتك

شــــعـر

نواف بن يوســف الســعـداني


الإثنـــــــين       04/ 10/ 1431هـ  ///  13 /09/ 2010م

الخميس، 10 مارس، 2011

طـــمــني بكلـمـــــة ..


(( لا تشــوه الذكــرى ))

عـلـيك طـــمــني بكلـمـــــة وتبـــريـر
تعـــبت أنا اســأل عـنك وإنت أنــاني
غــيبتك هالـمـــره ترى طــالت كــثير
وعشت فيها من ضنى الشوق اعاني
وبالآخــــر إنت تتـهـمـــني بتقـصــير
وتقــــول إني مـعـك مخــطي وجــاني
إنت عـلى كــيفـك تجـــيب التفـاســـير
ولا إدري كيف إنت تحــســب التفاني
الحــب عــندي ســـابق(ن) كل تفـكـير
ولـو تســـابق بالغـــلا تصــــير ثــاني
وقـبل شـوقك من وكر صـدرك يطــير
تلـقـــاني عندك واقف(ن) في ثــواني
الظـــاهـر إنت هــاوي(ن) كل تغـــيير
حـتى بقــلبك شــــف تغـــــير مــكاني
صــــرت كلـمـة مـــالها أي تعــــــبير
وجـــزء مـهـمـل من حــكاية أمــــاني
إن كنت راسـم عـذرك هجـرك بتزوير
اهـجــــر ولكـن لا تـدوس المـعــــاني
لا تـشــــوه الذكرى على أقـل تقــــدير
ترى الزمــن وإن طـــــال تاليه فـاني

شــــــعــر
نواف بن يوســف الســعـداني


11/11/1427هـ ///  2/12/2006م