المدونة الرسمية ( للشاعر/نواف بن يوسف السعداني ) تضم جميع قصائده المنشورة في المواقع الالكترونية المختلفة و المنتديات .... تضم القصائد الكتابية و الصوتية و تصميم القصائد على شكل صور .... و أيضا عرض فيديو لبعض القصائد ..... ((( المدونة ذات صفحات متعددة ... لقراءة بقية القصائد اضغط على كلمة رسائل اقدم ,اسفل المدونة ))
الجمعة، 30 أكتوبر 2020
ما حسب حساب خيبات الرجاوي
(( خــيبات الرجــاوي ))
يـوم وعــدك ازهـــر الخـــافـق ونـوّى
كان درب مواصـلك بالشـــوق ضـاوي
جـبت عـقـد من المـشـاعـر لك تطـوّى
ما حـسـبت حـسـاب خـيبات الرجـاوي
صــدمـتك عــادت عـلى قـلــب ٍ تلـوّى
يـوم جــالك عــاني ٍ مـشــتاق هـــاوي
شـف بـرودك في لقــانا ويـش ســوّى
المـشـــــــاعـر ذابلـة والقـــــلب زاوي
مـا عـطــيت الفـرصــة للقــلب يتروّى
زدتني فـوق الظـمــا حـســرة شـكاوي
انحــرق قــلبي مـن الحـســـرة تكــوّى
يـوم شـــفـتك لاهـي ٍ عــني وغــــاوي
جـال ضــيم ٍ في خـبايا الصـدر جــوّى
قـام يبـكي لك مـع الذكــــرى خـــلاوي
فــاـقد ٍ عـمـــر ٍ مـعـك عــدى وخــوّى
طـاوي ٍ صـفـحـة بها أحـلى الحــكاوي
طـحـت مـن عـيني وقـدرك حـيل هـوّى
مـن عــلو العـشـــق لي قـاع الهـقاوي
انكـســر قـلبي وصــوت الكـســـر دوّى
في حـــنايا صــدري حــــطـام وبـلاوي
شــعر
نواف بن يوسف الســعداني
11/08/1439هـ /// 27/04/2018
الجمعة، 23 أكتوبر 2020
لا صرت ميت قلب وش بقى
(( مـــيت قـــلب ))
عـلمـتني كـيف ارســــم دروب اللقا
اعـاند ظــروفي واسـافر لك واطــير
لكن نشـف ريق المشـاعر ما اسـتقا
ما فـادت عــيونك وقـلبك لي ضـرير
الظــاهر انت ما تعــرف إلا الشـــقا
ولا أنت باحـساس الغـلا مني جــدير
حـــاولت اعـلمـك المشــاعـر والنقا
وإن المحــبة تضحـــية وقـلبٍ كـبير
بس أنت تفـكـيرك ولا عمـره ارتـقا
وأنت بعد أصغر من طموحي بكـثير
لا صـرت مـيت قلب يعـني وش بقا
اكــثر بعــد وياك وش ممكن يصـير
شــــــعر
نواف بن يوسف السعداني
الأحــــد 22/3/1439هـ /// 10/12/2017م
واللي صعبه ينكتب ارسمه بحلم وخيال
(( حـــــلم وخـــــيال ))
تكفى يا طـــــيفه تعـــال ... أنا مـشــتاق لوصــــــال
واللي صـــــعبه ينكـتب ... ارســـمه بطـيف وخـيال
غـصـب عـني اعــترف ... إني مع الوهــم انجـــرف
واعيش بأحلامي كثير ... والواقع أصــلاً مخــتلف
كل ما عـشـت الغــياب ... ينفـــتح مـــليون بــــاب
ازرع ظــروف الحــياة ... واجـــني حــالة اكــتئاب
تعـبت من فكر الوحــيد ... اللي يهوجـس بالبعـــيد
ويرجـــع بخـــيبة أمــل ... لا جـابه الحـظ العـنيد
خـــلني بحـــالة وهــــم ... مــا دام قلــبي ابتســـــم
خـــلني بغـفــوة فـــرح ... مــا ابي اصــحى لألـــم
تكفى يا طــــيفه تعـــال ... تكفى لا يطـول الجـدال
والآمـال اللـي زعـــلت ... راضــها بحــلم وخـــيال
شعر
نواف بن يوسف السعداني
١٦ / ١٠ / ١٤٣٦ /// ١ / ٨ / ٢٠١٥
السبت، 23 مايو 2020
ولا ادري من متى كانت بداية رحلة التخدير
(( رحـــلة التخـــدير ))
قـســـم بالله أنا ضــــايع وعـــقـلي مــعـك لف ودار
ولا ادري مـن مـتى كـانت بداية رحـــلة التخــــدير
أنا ودي اســـيـس لك خــيول الفــكـــر والأشــــعـار
ولكـن خـــايف اشــــعـاري تبــين جــــرأة التفـكـــير
اببــدا كلمــة وكلمــة واقـــول اســــترهـا يا ســــتار
عـسـى ما ينطــق لســاني عـبارة صـعـبة التفـســـير
اخــاف الوجـــد يغـــلبني وابــيّن خــــافي الأســــرار
بدل مـا اوصـف اطـباعك يصـير العـلم وصـف مــثير
صراحة من سمعت الصوت وأنا عقلي استخف وطار
وفــوق الهـمـــس والرقـة تـرى الاســــلوب له تأثـير
نعــومة صــوتك وضحـكك نغــم أجـمـل من المـزمـار
سـحــر ممــزوج بالمـنطــق وجــيد الفـكـر والتعـــبير
جــمـعــتي مـنتهـى الرقــة وقــلب ٍ ثابت وجـــبار
خـليط(ن) بعــثر احـســاسي ودمــرني مـعـك تدمــير
غـلبتيني من العــنوان ولا ادري وش ورى الاســوار
وحــلمـي افـــتح ابوابك وأفـــوز بكـنز ونصــر كـبـير
وحـــتى يـــوم ربي راد اشــــوفـك حـــالت الأقـــــدار
ولا شـفت إلا سحـر عـيون وحـكي ٍ فيها كان كثير
ولكـن جـــرأة عـــيونك تشــجـعـني عـلى الإصــــرار
وخــلت حـلمي صــار اقــرب بأنه جـــد يـوم يصـــير
كـثر ما كـنتي مـســتورة غـصــونك تلفـت الأنـظـــار
ومـدري لو رياح الشـــوق عـرّتها وش اللي يصــير
مـدام إن الجــذع رويـان ويهــــدي حـــالي الأثمــــار
يطـــيب الذوق للشــــفـقان لـو نـال الهـــنا تقـطــــير
ابركـب صــهـوة الفـرحـة واصـير اركض بلا مضمار
واصـــول فـ بـرك وبحــرك إلـين اعــتم ظـــلام ينـير
وإلى مـنه طـــلع صـبحــك ابـاطــــبع قــبلة التذكـــار
على ثغـــرك قـــبل خــدك واكـمــل رحــلة التخــــدير
شــعـر
نواف بن يوســف الســعـداني
يوم الثـــلاثـــاء 28/11/1435هـ /// 23/09/2014م
أنا مخنوق باحساسي ولا ادري بس ابوح لمين
(( ابوح لمـين ))
أنا مخنوق باحساسي ولا ادري بس ابوح لمـين
كثير من البشـر حـولي ولا به شخـص يفهـمني
وأنا خـايف لو اشكي يوم يقـولون البشر مسكين
بدل ما كلمــة تواسـي تجـي كلـمـات تجــرحـني
وأنا ادري به كـثير اشـخاص للزلات منتظـرين
ولو صار الزلل مني ما راح ألقى اللي يرحمني
وأكثر شخص يضايقني هـو اللي يبدا بالتخـمين
ولا يعــرف وش القصـة وهـمـه بس يقـهــرني
وأنا اللـي مـنه مـسـتغـرب ألاقـي نـاس متفقـين
يقـــولون إني اســتاهـل وعـندي شي يمـــيزني
ومدري خـير وإلا شــر بعـض الناس لي ناوين
ولا ادري مـن مـتى وأنـا نـوايـا النـاس تقـلقـني
ترى بعض الكلام اقسى من الطـعنات بالسكين
وأنا مـدري عـتب وإلا شــمـاتة نـاس تكـرهـني
ولو إنه عـتب يعـني ما هـو وقت العتاب الحين
مـا دام اللي كـتب ربي حـصــل والله يصــبرني
شــعـر
نواف بن يوســف الســعـداني
يوم الســــبت 03/03/1435هـ /// 04/01/2014م
الاشتراك في:
الرسائل (Atom)







