الجمعة، 7 مارس، 2014

اداري الحــرمـان وشـوقي ينبـشــه ..


يـوم الخــميس     27/04/1435هـ  ///  27/02/2014م




أنا خـايف لو اشكي يوم يقـولون البشر مسكين ..


(( ابوح لمـين ))

أنا مخنوق باحساسي ولا ادري بس ابوح لمـين
كثير من البشـر حـولي ولا به شخـص يفهـمني
وأنا خـايف لو اشكي يوم يقـولون البشر مسكين
بدل ما كلمــة تواسـي تجـي كلـمـات تجــرحـني
وأنا ادري به كـثير اشـخاص للزلات منتظـرين
ولو صار الزلل مني ما راح ألقى اللي يرحمني
وأكثر شخص يضايقني هـو اللي يبدا بالتخـمين
ولا يعــرف وش القصـة وهـمـه بس يقـهــرني
وأنا اللـي مـنه مـسـتغـرب ألاقـي نـاس متفقـين
يقـــولون إني اســتاهـل وعـندي شي يمـــيزني
ومدري خـير وإلا شــر بعـض الناس لي ناوين
ولا ادري مـن مـتى وأنـا نـوايـا النـاس تقـلقـني
ترى بعض الكلام اقسى من الطـعنات بالسكين
وأنا مـدري عـتب وإلا شــمـاتة نـاس تكـرهـني
ولو إنه عـتب يعـني ما هـو وقت العتاب الحين
مـا دام اللي كـتب ربي حـصــل والله يصــبرني

شــعـر
نواف بن يوســف الســعـداني
يوم الســــبت      03/03/1435هـ  ///  04/01/2014م







اهـــلا برجـــعـة نـور قلـبي و هــــيامه ..





(( نـور قـلبـي ))
                             
اهـــلا برجـــعـة نـور قلـبي و هــــيامه
اللي مــلا هالكـــون فـــرحه و تهـــانيه
الحـمـــــد للي رجـــــعــك بالســـــلامـه
سـلمـــك مـن درب التهـــاليك و التـيـه
اهــــلا بـوجـــه فـيه أحـلى ابتـســـامـه
عـســـى الكـــدر يـا رب  دايم يخـطّــيه
منحـــك ربي ضـحــكة أهــل الكـرامـــه
باللحــظه اللي تجـرح القـلب  تشــفـيه
و تبعـــد عـن القــلب المـتيـم غـمـــامه
اللي مـطـــرهـا سـيّل الحــــزن  واديه
طــول الغـــياب اعمى عـيوني بظــلامه
ما غــير وجـهك يلتفـت لي و اناجـــيه
و آمـنت بك مسـكن خـفـوقي و مـرامـه
مـادام شــــوفـك بـين هالنـاس مغــنيه
والدمـــع لك دايـم دفـعــــته غــــــرامـه
بـالحـــــــزن أو بالفــــرح دايــم ابـديه
لكـــن غــلبـنــي دمــع كلـــه نـدامــــــه
ندمـان و الخــافـق صـــرخ  لا تخــليه
و الحــين يرجـي منك باقي حـــطــامـه
بضــــمة حــــنـانك تنعـشـــه ثم تبــنيه
لا تلـومـــني مـــاني بنـاقــص مـــلامـه
هالصـــدر شــقه وإنت تعـــرف بلاويه
 طـريا الســفـر عــفته و ليلي ما انامه
درب الســفـر ارجــيك لا عـاد تمشــيه


شــــعـر
نواف بن يوســف الســعـداني
02/09/1430هـ  ///  23/08/2009م

مدري متى يصــدق ويوفي لي الوعــد..




(( مــتى يصـــدق ))
مدري متى يصدق ويوفي لي الوعـد
مـليت أنا من كـثر ما اســمع وعـوده
كل مـا اتصــل به دوم يتجـاهـل الرد
ولا مـن صـــدفـته آه مـا ابـرد ردوده
ولا مـن طــلبني حـضـــرته لازم ارد
يعــني يبيني خـاضع(ن) في وجــوده
الحــاجه اللي جـابته صــارت الســـد
وكـل الهــدايـا مـا تهــــدّم ســــــدوده
يحـســب تنسـي كـذبته شــيلة الـورد
مـا يــدري الهـجــــران مــوّت وروده
الورد يســقـيه الوفــا وصــادق الـود
ويمـــوت من كـثرة جــفاه وصــدوده
ما قد طرت له دمعة(ن) تجرح الخـد
ولا عــرف وش هي نتـايج جـحــوده
صبرت وصبري واصل(ن) آخر الحد
والكــذب عـــنده مـا عــرفـنا حــدوده

شــــعـر
نواف بن يوســف الســعـداني
06/08/1432هـ  ///  07/07/2011م