الجمعة، 29 يوليو، 2016

ليه هالغــيبة الطــويلة

(( الغـــيبة الطــويلة ))

حـبيبي ليه هالغــيبة الطــويلة
تعـــال إن كنت أنا فعـلاً اهـمك
حمول الشوق في صدري ثقيلة
ابي ارتاح في شوفك واضـمك

أنا تايه غــريق فـ بحـر غـربة
ادور وجــهـتي ولا كـنت ألاقي
فقــير ومنك أنا تغــنيني كــذبه
وعـايش في أمـل لحـظة تلاقي

تعبت اكذب على قلبي وروحي
واعـشـمـهم بشـوفات الحــبايب
ولا باقي عــذر يبني صـروحي
قصور من الأمل ضاعت هبايب

حــبيبي أصـــدق بأيت وســـيلة
أنا مـا ابي يمــيل الشـــك يمــك
عسى تنهي الأمـور المسـتحيلة
ابي ارتاح من هـمـي واضـمـك

شعر

نواف بن يوسف السعداني