الاثنين، 25 يونيو، 2012

هذا أنا جمعت لك ديوان عمري في كتاب ...

(( ديوان عـمـري ))
                           
هـذا أنا جــمـعـت لك ديـوان عــمــري في كـتاب                 
منذ شــرقت شـمـسي وليد إلـين مـوتي بالغــروب
ما هي قـصيدة حزن ولا كلمات في لحظة عتاب
لكــنهـا رحـــلة أســى داخـــل دهـــالـيز القــلـوب
وجيت أنا صـرخة وليد احـســب لي الدنيـا رحـاب
ولا دريت إني اســـم على الحــياة أنا امـحـســـوب
ومن عـرفـتني وأنا طـفل(ن) من الآهــات شــاب
لين انكســر عوده وهو مثل الشجـر واقـف نصوب
قـزرت هالعـمـر بشـــقا منهـوش أنا من كل ناب
ويا كثرها أنياب(ن) علي اتحدتني لأقصى الدروب
واللي نهش عظمي أنا ناب(ن) بفك أهـل وقـراب
حـســافه عـروني وأنا لبـســـتهـم مـلـبـوس ثـوب
حــزمتهم خـصـري وهـم ياما طــعـنوني بالجـناب
والهــم تناولـني بعــد من كـل صـوب وكل صـوب
اقرب عضـيد(ن) للأسف بايعـني ابرخـص التراب
بايعـــني للـي انثـروا قــدري مـع عــج الهـــبوب
وخفت أنا حتى غديت امشي وسـط عـتم الضباب
ضيعـت احسـبني طـليق ايدين والقاني امقضـوب
ماعـمـري اخــترت الدروب ولا بعـــد فـكـيت بـاب
قادوني لدروب الهـلاك امغـمغـم العــين امغـصـوب
لو جـابهـوني بشــينهم ماخـفـت من قـص الرقـاب
لكنهــم بي اغــــدروا وأنـا على أمـــري امـغــلوب
مبيـوع أنا في بيعـة(ن) بيعـة بدون أدنى حـســاب
لكـن على النيـه أنـا ســــمـيتها حــــكم امـكــتـوب
رحـمـت حالي وعـشـت عـمر اداري هم الاغتراب
نـوب(ن) أنا اجـهـش بكا واضحـك بوجـه الدنيـا نوب
شــكـيت هـمي لخــالقي إلـين جـــرح الهـم طـــاب
وطــاب لي بنيـان بيـت من الصــبر بانيـه طـــوب
رغـم إنهـم ياما قـسـوا ودي لهـم  لين الحـسـاب
كنت ألتمـس عـذر(ن) لهـم رجـا لغـفـران الذنـوب
قلبي يســامحهـم ولـو يـعــيـش حــالة اضــطـراب
بالراحه افــديهم واظــل اســتر لهـم أكـبر عــيوب
لكـن بقـلبي هالقـهـــر اتجــاوز احــدود العـــتاب
على اللي اعـطــيته عـمـر وبالآخـر طــلع كـذوب
خـسـران كل عـمـري ولو فـــايز أنا برحـلة أيـاب
طـلعـت خـسارات العـمر أكبر من حـساب الذنوب
هو ذاق شهـدي وارتوى ثم اعـتبرني من سـراب
وأنا اللي في رغبة رضى كنت احترق شمعة وأذوب
وذاب عـمـري وهـو مـا عـمـره تعـذب من غـياب
ولا درى إن الزهــر مـيّت على وجهـي شـحــوب
وش بيني وبينك بعـد تسـقيني خـوف(ن) وارتياب
لين ارتوى ياسي هموم(ن) من مطر غيم الهروب
وصرت أنا صيد(ن) سهل تنهـشـني أنياب الذياب
وأنا اللي لي قلب(ن) نقي ولاني ابشخص(ن) لعـوب
خـليتني محـتاج حــب اشـحــده لــو مـن كـل بـاب
احـسـن عليه بالـوفــا وأنـا اللي اســـتغـفـر وأتـوب
يارب أنا مـظــلوم حــيل ودعــوتي  ابتســـتجــاب
لكـن دعــيتك اســقـني عـذب المـسـامح كوب كوب
يا عـلني اروى ارتيـاح من بعــد ظــمـي العــذاب
والنور يشـرق بالعـيون اللي زمن عـنها امحجــوب


شــــعــر
نواف بن يوســف الســعـداني

يوم الإثنــين      26 / 05 / 1431هـ  ///  11/ 05 / 2010م

كيف اوصـلك يا زين و أنت مشـاوير ...


(( غـيمـة غــيابك ))

كيف اوصـلك يا زين و أنت مشـاوير
و كل المشـاعـر فـيك مخــفـي أثـرها
لا بيـننا مـرســول يبـعــث تـقـــــارير
و لا لنـا جــــنة و نســقـي شـجــرها
ما غــير عـينٍ تقـطــر الدمـع تقـطــير
و شـيب روحي زاد و أبدى ضـررها
و غـصـون قلبٍ مـن غـلاتك مزاهـير
تعـال شـف وش صار بأحـلى زهـرها
من بعـد ما غـابت شـموس التـعـابـير
و الغــيم غــيب عـني حـتى خـــبـرها
غـيمة غيابك عـندي هـم و مـعـاسـير
و يا عـسـر غـيمـة ما تهـل بمـطـرها
يا بعد وجهك عن عـيوني المسـاهـير
و يا قـرب روحـك عـند قلب غـمـرها
حـتى عــيون القلـب صـارت نواظـير
و العـين عـن غــيرك تردى نظــرها
و النـظــره اللـي حــيرتنـي تفـاســير
دوم زرعـت شـوق و لا انبت ثمــرها
حـنا اجـتـمـعـنا صـدفة دون تـقــــدير
لحـظـة و ليـت العـمـر يحـيي قــدرها
خـل الزمـان يعــــيد بعـض المـقــادير
قلـبي يحـــرر لك مشــاعـر اســــرها
باقول ( أحبك ) و ألغي كل المحــاذير
و من ذاق لوعة نفسي و الله عذرها

شــــعــر
نواف بن يوسـف الســعـداني


يوم الإثنــين       24 / 02 / 1431هـ  ///  08/ 02 / 2010م

الخميس، 21 يونيو، 2012

ارجــع بعـــد كل الجـــفـا واصـــونها


(( نفـس الرسـايل ))

نفس الرسايل ما حكت شي(ن) جديد
ونفس الأماني اللي الظروف تخونها
تكـذب عـليه بـس أنـا قـلـبي عـــنـيـد
ارجــع بعـــد كل الجـــفـا واصـــونها
نفــسـي ولـو مـــره أذوّب هالجـــلـيد
واقـتل برود(ن) ساكن(ن) في كونها
حـتى ولـو تـوقـف تنـاظـر من بعـــيد
يجـرحني سـهم(ن) صـوبته عـيونها
ودي أنـا اركــض واحــضــنها اكــيد
عـشـان اداوي كل جـروح اطـعـونها
الصــدق أنـا ودي ولكـن وش يفـــيد
دام الرســايل ما تـفـي بمـضــمـونها
خــايف(ن) كل الـوفـا يـقــلب جحــيد
حـتى الوعـود اللي انحكت ينسـونها

شــــعـر
نواف بن يوســف الســعـداني
يوم الثـــلاثــاء    29/07/1433هـ  ///  19/06/2012م

ما كل عـشـق(ن) يا الغــلا فـيه ويلات


(( لا تبـدي الدمــعـة ))

ما كل عـشـق(ن) يا الغــلا فـيه ويلات
احـــذر تـوقـا وإنت تمــشـي على الدرب
دربـي أنـا درب الهـــنا والـمــســــرات
لكـن عــمــى عـــينـك ولا لــي أنــا ذنب
لـو النتيـجـة فـي تـجـــاربك غـلـطـــات
حـــرام تـظــلم كـل صـــادق بهـالـحــــب
جــيـتك أنـا كـلي فـــرح وابتـســــامـات
جـيتك بحـب(ن) صـار لك رحـمه وطـب
لا تبـدّي الدمــعـة عـلى حــلـو الأوقـات
خذني شذى عـطـور(ن) وريّح بها قلب
إنسـى زمـان(ن) كـان لك فـيه عــثرات
واضوي عـتم روحك بحـب(ن) لها شب

شــــعـر
نواف بن يوســف الســعـداني
يوم الســــبت   12/07/1433هـ  ///  02/06/2012م

الجمعة، 15 يونيو، 2012

لجــل الغــلا .... ســامـح


(( لجــل الغــــلا ))

لجـل الغـلا اسـمح لي ابني لك اجـسـور
لا تقـــرر الفــرقــا على شي قـد صـــار
يا ظـلـمة الدنيـا على شـخـص مـنـحـور
حكم القـصـاص فـراق وتمـوت الأعـمار
من بعـد جـنة عـشـق صـرت أنا مـقبور
من بعـد ما غـابت عن وجـودي أزهــار
أنـا الوحــيد وحـالي يثـبت لك شـــعــور
انثــر دمــوع من النــدم تشــرح أعــذار
غلـطـة عـمــر فـيها وقـعــنا بـمـحـــذور
بـس وغـــلاتك مـا ابي غـــيرك اخـــتار
ادري أنـا مـخــطي ولانـي بـمـعــــــذور
لـكـن رجـــا للـحـــب لا تـهـــــدم الــدار
لا تهــدم قـصــور الغــلا وإنت مـقـهـور
وكلمـة(ن) لحــظة زعـل ما هي إقــرار
ادري أنا قـلــبـك عـلى الـصـد مجـــبـور
صــدمة قـــوية غـصــب خــلتك تحــتار
عــاذر أنا قلب(ن) غـدى حيل مكـسـور
وادري بعـد كسـر الهوى صعب الإجبار
لـكـن عــزاي إنـي أنـا بـاني(ن) ســـور
بـين الفـراق وبـين حــب(ن) وتـذكــــار
لـو يـســتعــيد الحــب ذكــرى لـها نـور
يبــري عـمـى عـين(ن) ترجّاك بإبصـار
لجــل الغـلا اللي داخـل القلب مـضـمـور
ســامح عسى ترجـع لدنياي الأزهــــار

شــــعـر
نواف بن يوســف الســعـداني
يوم الأحـــــد    20/07/1433هـ  ///  10/06/2012م