ودع حياة ما بها عز وشموخ .. وافرد جناحك للحياة الرفيعه

الحياة بتستمر إن كان بي وإلا بلايه

(( الحـياة بتســتمـر ))

الحــــياة بتســـتـمـــر إن كـان بـي وإلا بــلايه

لا تحـجــج بالوهـــم مــا دام لك نيـه ســليـمـه

لا تنزوي تحـت الحـزن وتكتب حروف النهايه

واجه مصيرك واحتزم بإيمان وصملات العزيمه

اجزم على نفـسـك ولا توقف على حد الوصايه

النفس لو تتبع هوى تاخذك لدروب(ن) ظليمه

اسمع خـطايا رحلتي واسلك مسـارات الهـدايه

يا ويل قلب(ن) ما عرف طعم الحياة المستقيمه

مجـمــل القـصـة ألم واغـلب تفـاصـيل الحــكايه

خـيبة أمل في كل من كان له قدر وحـشيمه

ضيعت عـمـري في هوى خيب لي آمالي ورجـايه

ياللأسـف كانت ثقـه تاليها آمـال(ن) عـقـيمه

حــسـبتهم حـضن الأمان وطـلعـوا هـمي وبلايه

لولا الثقـة ما دمــروا قـلبي ولا ذقــت الهـزيمـه

كـنت اظـن إن القــريب قـــدام عـيني لي مــرايه

ما شفت غير ابشع صور لوجـيه بانت لي لئيمه

ما كشفت استار حتى ينكشف ستري وغـطايه

ما غـلطــت بحـق احـد ولاني من أهــل النمـيمه

ليت بعـض الخـلق بس يقـدر يوضح لي خطايه

ما خبرت إني خطـيت خـطـوه عـواقبها وخـيمه

عايش(ن) عـمري بسـلام لين جـتني هالجـنايه

يعـني ذنبي انخـلقـت وفـيني هالعـزة عـظـيمه

ضـــايقـتهم عــــزتي وصـــارت الدعــوه نكايه

والإدانه طـيب قـلب(ن) حـامل(ن) نيـه سليمه

انحـــروا حــلمي وأنا تـوي بلحـــظـات البـدايه

صـوبوا سهم الغـدر وصاب قلبي في صـمـيمه

اســتلذوا في جـــروحـي كنها صــارت هــوايه

كل ما داويت جــرح(ن) سـددوا طـعـنة أليـمــه

ما بقى لي من الغــدر غــير طـعنات بقفايه

وما بقى لي من الخطا غـير عـثرات(ن) كريمه

مع كل عـثره لي دروس تكمـل سـطور الروايه

بعض الحروب إن طولت يبقى لها حظ وغنيمه

مؤمـن بحــكم القـــدر صــابر(ن) والله مـعـايه

بس تتعـبني صـور ذكرى لطـعـنات(ن) قديمه

اذكر اللي تفـننوا بجــروح وداروهــا بعـــــنايه

غـابت عن عـيون البشــر لكـنها بقـلبي مـقـيـمه

الحـــياة أكــبر من إني اختصرها في حــــكايه

بس الظـروف اللي انتهـت آثارها بقلبي عظـيمه

الحـــكاية لـو تطـــول لابد توصــــل للنهــــــايه

أمـا الحــــياة بتســــتمـر ولا تقــدّر بأي قـيمـــه

شـعـر

نواف بن يوسف السعداني

يوم الثلاثاء  25/11/1434 هـ /// 01/10/2013 م

كل ما اتنفست عطر الياسمين

(( عـطـر الياسـمين ))

رغــم طــول البعــــد بأيـــام وســنين

كل مـا اتنفـســـت عـطـــرالياســـمـين

في شـــذاه يـردني لعـطـــر(ن) قـــديم

عـطـر يحـيي فـيني احـسـاس وحـنين

غـصـب في ذكـراه اســافـر لك واهــيم

في جــنون العـطــر وأنفــاس النســيم

مـا تمـــوت الذكــرى وانت فـينـي حي

طـــيفـك الأجــــمـل اشـــوفه بكـل شي

أنت لعــــيون الحــــياة اصـبحــت نـور

ويـن مــا اروح ألتفـــت وألقـــاك ضي

في الجــــــمـال اللـي بهالدنيـــــا يـدور

في البســـاتين اللي تمـــلاها الزهــــور

كـل مـا تخــــنقـني الوحــــده بغـــــرفه

اطـــلع اتنفـســك في اطــــراف شـــرفه

في خــيال الذكـرى ونجـــوم الفـضـــــا

انـرســم نصــف الغـــرام وباقي نصــفه

بي قـضـــا هالعـمـــر ورســمه ما قـضا

ليتـــنا نـقـــــدر نعـــــــــيد اللي مـضـى

  

يامـــا ســــابقـنا الزمــن حـتى ســـبقـنا

فـيــه ابـحــــــــرنا ولكـــنّا غـــــــــرقــنا

حـنا لو ندري القـلوب اصـل(ن) ضـعـاف

مـا ألتفــــتنا ولا تهــــورنا وعــشـــــقـنا

دام هــــاجــر حــلمـنا .. عــدى وطــــاف

مـــا لنـا إلا نـوادعــــه فــــوق الضـــفاف

الحــــياة أصــل(ن) ســـفـينة مهـــاجـره

لمـــت عــــواطـــــفـنا وفـيــها مــــغـادره

اتـركـــتنا ومـا رمـــت طــــوق النجــــاة

ولا نـــدري لــــويـن هــي مـســـــــــافـره

مــا بـقـى مـن ارواحـــــنا إلا هالفــــتات

والحــــنين المـــــر لأحـــلى الذكـــــريات

كلمـــات

نواف بن يوسـف السـعداني

يوم الســبت        12/01/1432 هـ ///  18/12/2010 م

ياما عــيون ٍ ناظــــرتني جـــريئه

(( العــــيون البريئــــة ))

ياما عــيون ٍ ناظــــرتني جـــريئه

ما طــالها من قـلبي غـير الجــفا رد

لكن عــــيونك رغــــم كـانت بريئه

هــزت خـفـوق ٍ إلتفـت لك ولا صــد

تاســرني جـفـون ٍ تسـلهم بطـــيئه

ورمـوشها ظـلال ٍ تلامس ضيا خـد

والثغــر يبهــر بإبتســامة مضــيئه

بأحـــلى شـــفايف كــنها باقة الورد

واشـتاق للنظــرة ولو هي خـطـيئه

اسـرقها لحـظة وألتزم معك في حـد

خـوفي تحـســبين المشاعر مسـيئه

من كـثر ما جــيت اعـــترف واتردد

والله مـا جـــــيت بنـــــــوايا رديـئـه

جـيتك صـفا نيـه وباقـي على عــهد

كل الأمــاني بالرضـــا والمشـــــيئه

ارضـــيك دايـم واخــــدمـك واتــودد

لعـــلني احـــضى بحـــــياة ٍ هـــنيئه

واعــوض أيـامي مـن المهـد لللحـد

شــعر

نواف بن يوسف الســعداني

23/10/1438هـ  ///  17/07/2017