اتساقط فوق أرضك بإنتفاضات القصيد ..

جرأة عيونك تشجعني على الإصرار ..

(( رحـــلة التخـــدير ))

قـســـم بالله أنا ضــــايع وعـــقـلي مــعـك لف ودار

ولا ادري مـن مـتى كـانت بداية رحـــلة التخــــدير

أنا ودي اســـيـس لك خــيول الفــكـــر والأشــــعـار

ولكـن خـــايف اشــــعـاري تبــين جــــرأة التفـكـــير

اببــدا كلمــة وكلمــة واقـــول اســــترهـا يا ســــتار

عـسـى ما ينطــق لســاني عـبارة صـعـبة التفـســـير

اخــاف الوجـــد يغـــلبني وابــيّن خــــافي الأســــرار

بدل مـا اوصـف اطـباعك يصـير العـلم وصـف مــثير

صراحة من سمعت الصوت وأنا عقلي استخف وطار

وفــوق الهـمـــس والرقـة تـرى الاســــلوب له تأثـير

نعــومة صــوتك وضحـكك نغــم أجـمـل من المـزمـار

سـحــر ممــزوج بالمـنطــق وجــيد الفـكـر والتعـــبير

جــمـعــتي مـنتهـى الرقــة وقــلب(ن) ثابت وجـــبار

خـليط(ن) بعــثر احـســاسي ودمــرني مـعـك تدمــير

غـلبتيني من العــنوان ولا ادري وش ورى الاســوار

وحــلمـي افـــتح ابوابك وأفـــوز بكـنز ونصــر كـبـير

وحـــتى يـــوم ربي راد اشــــوفـك حـــالت الأقـــــدار

ولا شـفت إلا سحـر عـيون وحـكي(ن) فيها كان كثير

ولكـن جـــرأة عـــيونك تشــجـعـني عـلى الإصــــرار

وخــلت حـلمي صــار اقــرب بأنه جـــد يـوم يصـــير

كـثر ما كـنتي مـســتورة غـصــونك تلفـت الأنـظـــار

ومـدري لو رياح الشـــوق عـرّتها وش اللي يصــير

مـدام إن الجــذع رويـان ويهــــدي حـــالي الأثمــــار

يطـــيب الذوق للشــــفـقان لـو نـال الهـــنا تقـطــــير

ابركـب صــهـوة الفـرحـة واصـير اركض بلا مضمار

واصـــول فـ بـرك وبحــرك إلـين اعــتم ظـــلام ينـير

وإلى مـنه طـــلع صـبحــك ابـاطــــبع قــبلة التذكـــار

على ثغـــرك قـــبل خــدك واكـمــل رحــلة التخــــدير

شــعـر

نواف بن يوســف الســعـداني

يوم الثـــلاثـــاء   28/11/1435هـ  ///  23/09/2014م

هـمـســــات وجــــداني ..

ذكــرى العـاشــقـين

(( ذكــرى العـاشـقين ))

مـا كنت اصــدق إنك إنتـي ابتجــــين

قـد كنت حــاســــبها مزوحٍ في كــلام

يا كــثر مـا كـنتـي لقـلـبي تـوعـــدين

ثم تخـلفـين الوعـد وما يجــيك المـلام

لكن بهالمــرة صــدق وعــد الحـنين

والنور من وجهك كسـر قــيد الظــلام

في حـضــرتك ألـوان هالدنيــا تـزين

تمطـر لك اشــواقٍ بصـــدرٍ فيك هـــام

لحظة ورود الشـــوق قـبّلت الجـبين

من قــبل لا كــفـك يصــافح بالســـلام

لا ما نقضت العهد وحالف لك يمـين

لك باقيٍ صـــبري على نفــس المقـام

إنتي ارسـمي اللوحـة كما كـنتي تبين

ثم حــددي لـي وقـت لبلــوغ المـــرام

بـس اوعــــدي قلبي بإنك ترحـــمـين

وتنجــــدين اللي بدت مـنه العــظـــام

طـالبك أنا بأحضان صدري تسـكنين

 في لحظة احـساسٍ تسـاوي عمـر تام

عــيني أنا فـ عــينك إذا إنك تجــهـلين

كل ما خطــر بالبـال عن وصـلك وحـام

الحـــلم يتحـــقـق لـو إنتي تسـمـحــين

حـــلمٍ ابي ينـزل عن مـتون الغــمــام

في ضـفة نعــاس الجــفـن دايـم يبـين

لك جـابه المـيعــاد مـن عـمـق المـنام

مـدري بهالوقـت اللي باقـي تلحــقـين

وإلا بتلقـيني من الحـســـرة حـــطــام

يا كل خـــوفي بعـــد ســاعة ترحــلين

وتتـركين احـسـاس من عـقـبك يضـام

خــايف أنا لو نفــترق بضـعة ســنين

تمحى تفاصيل الهوى وأحلى الغـــرام

لـو تتركـي شيٍ لذكــرى العـاشــقـين

ذكــرى ومــنها ابتســــم لك كل عــام

شــــعـر

نواف بن يوســف الســعـداني

يوم الأربعــاء   02/03/1433هـ  ///  25/01/2012م

أنا خـايف لو اشكي يوم يقـولون البشر مسكين ..

(( ابوح لمـين ))

أنا مخنوق باحساسي ولا ادري بس ابوح لمـين

كثير من البشـر حـولي ولا به شخـص يفهـمني

وأنا خـايف لو اشكي يوم يقـولون البشر مسكين

بدل ما كلمــة تواسـي تجـي كلـمـات تجــرحـني

وأنا ادري به كـثير اشـخاص للزلات منتظـرين

ولو صار الزلل مني ما راح ألقى اللي يرحمني

وأكثر شخص يضايقني هـو اللي يبدا بالتخـمين

ولا يعــرف وش القصـة وهـمـه بس يقـهــرني

وأنا اللـي مـنه مـسـتغـرب ألاقـي نـاس متفقـين

يقـــولون إني اســتاهـل وعـندي شي يمـــيزني

ومدري خـير وإلا شــر بعـض الناس لي ناوين

ولا ادري مـن مـتى وأنـا نـوايـا النـاس تقـلقـني

ترى بعض الكلام اقسى من الطـعنات بالسكين

وأنا مـدري عـتب وإلا شــمـاتة نـاس تكـرهـني

ولو إنه عـتب يعـني ما هـو وقت العتاب الحين

مـا دام اللي كـتب ربي حـصــل والله يصــبرني

شــعـر

نواف بن يوســف الســعـداني

يوم الســــبت      03/03/1435هـ  ///  04/01/2014م

اهـــلا برجـــعـة نـور قلـبي و هــــيامه ..

مدري متى يصــدق ويوفي لي الوعــد..

(( مــتى يصـــدق ))

مدري متى يصدق ويوفي لي الوعـد

مـليت أنا من كـثر ما اســمع وعـوده

كل مـا اتصــل به دوم يتجـاهـل الرد

ولا مـن صـــدفـته آه مـا ابـرد ردوده

ولا مـن طــلبني حـضـــرته لازم ارد

يعــني يبيني خـاضع(ن) في وجــوده

الحــاجه اللي جـابته صــارت الســـد

وكـل الهــدايـا مـا تهــــدّم ســــــدوده

يحـســب تنسـي كـذبته شــيلة الـورد

مـا يــدري الهـجــــران مــوّت وروده

الورد يســقـيه الوفــا وصــادق الـود

ويمـــوت من كـثرة جــفاه وصــدوده

ما قد طرت له دمعة(ن) تجرح الخـد

ولا عــرف وش هي نتـايج جـحــوده

صبرت وصبري واصل(ن) آخر الحد

والكــذب عـــنده مـا عــرفـنا حــدوده

شــــعـر

نواف بن يوســف الســعـداني

06/08/1432هـ  ///  07/07/2011م