الجمعة، 8 فبراير 2019

الحياة بتستمر إن كان بي والا بلايه

(( الحـياة بتســتمـر ))

الحــــياة بتســـتـمـــر إن كـان بـي وإلا بــلايه
لا تحـجــج بالوهـــم مــا دام لك نيـه ســليـمـه
لا تنزوي تحـت الحـزن وتكتب حروف النهايه
واجه مصيرك واحتزم بإيمان وصملات العزيمه
اجزم على نفـسـك ولا توقف على حد الوصايه
النفس لو تتبع هوى تاخذك لدروب(ن) ظليمه
اسمع خـطايا رحلتي واسلك مسـارات الهـدايه
يا ويل قلب(ن) ما عرف طعم الحياة المستقيمه
مجـمــل القـصـة ألم واغـلب تفـاصـيل الحــكايه
خـيبة أمل في كل من كان له قدر وحـشيمه
ضيعت عـمـري في هوى خيب لي آمالي ورجـايه
ياللأسـف كانت ثقـه تاليها آمـال(ن) عـقـيمه
حــسـبتهم حـضن الأمان وطـلعـوا هـمي وبلايه
لولا الثقـة ما دمــروا قـلبي ولا ذقــت الهـزيمـه
كـنت اظـن إن القــريب قـــدام عـيني لي مــرايه
ما شفت غير ابشع صور لوجـيه بانت لي لئيمه
ما كشفت استار حتى ينكشف ستري وغـطايه
ما غـلطــت بحـق احـد ولاني من أهــل النمـيمه
ليت بعـض الخـلق بس يقـدر يوضح لي خطايه
ما خبرت إني خطـيت خـطـوه عـواقبها وخـيمه
عايش(ن) عـمري بسـلام لين جـتني هالجـنايه
يعـني ذنبي انخـلقـت وفـيني هالعـزة عـظـيمه
ضـــايقـتهم عــــزتي وصـــارت الدعــوه نكايه
والإدانه طـيب قـلب(ن) حـامل(ن) نيـه سليمه
انحـــروا حــلمي وأنا تـوي بلحـــظـات البـدايه
صـوبوا سهم الغـدر وصاب قلبي في صـمـيمه
اســتلذوا في جـــروحـي كنها صــارت هــوايه
كل ما داويت جــرح(ن) سـددوا طـعـنة أليـمــه
ما بقى لي من الغــدر غــير طـعنات بقفايه
وما بقى لي من الخطا غـير عـثرات(ن) كريمه
مع كل عـثره لي دروس تكمـل سـطور الروايه
بعض الحروب إن طولت يبقى لها حظ وغنيمه
مؤمـن بحــكم القـــدر صــابر(ن) والله مـعـايه
بس تتعـبني صـور ذكرى لطـعـنات(ن) قديمه
اذكر اللي تفـننوا بجــروح وداروهــا بعـــــنايه
غـابت عن عـيون البشــر لكـنها بقـلبي مـقـيـمه
الحـــياة أكــبر من إني اختصرها في حــــكايه
بس الظـروف اللي انتهـت آثارها بقلبي عظـيمه
الحـــكاية لـو تطـــول لابد توصــــل للنهــــــايه
أمـا الحــــياة بتســــتمـر ولا تقــدّر بأي قـيمـــه

شـعـر
نواف بن يوسف السعداني


يوم الثلاثاء  25/11/1434 هـ /// 01/10/2013 م

الورد ما يشكي ولا يقول عطشان

  (( الـورد ما يشـكي ))


الورد ما يشـكي ولا يقـول عـطـشـان
إمّــا ســـقـيته وإلا مـــات بســــــكاته
وبعـض البشر ما يشعـر بقيمة انسان
إلا إلـى مـن مــــات وانهـى حــــــياته
اقــولها مـدري مـتى تحــس يا فــلان
قلـبك بيصـحـى لا هــنا الوقـــت فـاته
لا تضمن احـساسي ولا تضمن ازمان
بكــرة يتغـــــير كـل شــي وصـــــفاته
حاسـب ضـميرك قبل ما يفوت الاوان
واقـطـع على العـاذل دروب الشـمـاته
بكــرة إلى مــنك تعـــثرت خــســـران
ما احـد(ن) بيجــبر خـاطـرك بإلتفـاته


شــــعـر
نواف بن يوســف الســعـداني
يوم الثلاثــاء    04/11/1434هـ  ///  10/09/2013م

وين رايح لسه بدري

 


((  لســـه بدري ))

وين رايح لـســـه بدري  ...  لســه في قـلـبي ظــــما
اروني بضــمـة حــنانك  ...  نـســــني مـن هـــو أنـا

بس دقايق قـبل تســري  ...  امــســح دمــوع ودمــا
لا تـخـلي لـي مــكانك   ...  يـسـجـن الذكــرى هــنا

لا تجـــاهـل وإنت تدري  ...  إنت لـي أرض وســـمـا
أنـا عــايـش في زمــانك  ...  وانتـظــــر مـنك المــنى

اسألك هـو هــذا قــدري  ...  تزلـنـي بشوقـي لـمــا
ليه تجــرح قـلب صـانك  ...  لـيـــه تتـركـنـي بعــنا

شــــعـر
نواف بن يوســف الســعـداني
12/08/1434هـ  ///  21/06/2013م

مات حبك والبقا بذكرى وهم

(( ذكــرى وهــم ))

مــن مـات حــبك والبـقـا بـذكــرى وهـــم
الله يصـــــبـرني عـلى جــــرح الحـــــنين
مـــع كـل طـــــيـف يـزورني يبــقـى ألـــم
كـلي نـــدم وشــلون ضــاعـت هالســـنين
كـــيف اســتبـحـته قــلب واثـق وانـصــدم
في غـــفلة الإخـــلاص جـــاته طـــعــنتين
الأولـه إهـــــمال واحـــــســــاس انعــــدم
والثانيــــة طـــــــعـنة مـن يـديـن الأمـــين
لـولا الثقـــــة مـا كـان قــلبـي انـهـــــــزم
ولولا الهوى ما ارخصت كل غالي وثمين
هـــــذي الخـــيـانة دمـــرت شـعــب وأمـم
وشـلون قـلبٍ في وسـط صــدري سجــين

شــــعـر
نواف بن يوســف الســعـداني

يوم الإثنــــــين  27/05/1434هـ  ///  08/04/2013م


هذي الصراحة اللي تبي

بعدك أنا نصفي سراب

سنين وافي الوعد … أجي ولا ألقى أحد

انا محتاج لوصالك كلام ما يبي تفسير

اذا اثبات حبي لك تزيد جراح فوق جراح

من وجد إلى وجدان