الخميس، 15 مارس، 2012

صــرخة ضــمـير(ن) نادته كان يمــديه ..



يكـفـي على قـلبي من هـــمـــوم يكــفـيه
يكــفـي بداخــل قلبـي هالحــزن مـنحـــوت
اطــلب مـن الله والـرجــــا إنـه ينـجّــــيه
ادعـي وقـلبي كـله اخـــشــــوع وقـــنـوت
تـايب ولا ادري كــيـف ربـي ابـرضــــيه
دلـونـي درب(ن) كان بالحـــق مـنـعـــوت
ودي اقــــدر قـيمـــة الوقــــت واغــــليه
واعــيش في وقــت(ن) ثوانيـه يـاقــــوت
وذاك الزمـــــان اللـي بـلانـي بـاخـــــلّيه
عــســى بجــــنّة ربـي تبنـى لـي بـيــــوت
تغــــنيـني عـن بيت(ن) أنا كــنت بـانيـه
امـن الذنـوب اللـي بـدت صــــار تـابــوت
داخـــل مــرايا صـحـــوتي بـانت وجــيه
كــثر العـــتب فــيها تمـــنى لـي المــــوت
قلت اعــتزل درب(ن) أنا كـنت مـاشــيه
واسـكن مكان(ن) ظـاهره صمت وسكوت
ضـجــة حـــكي فـي كـل زوايـا محـــانيه
صــوت الضـمـير اللي من الذنب مـكبوت
حـكي العــيون اللي بهـمـس(ن) بتحـكيه
يطغى على الجـدران صرخات من صوت
محـد(ن) سـمـعـني غير رب(ن) اناجـيه
ادعــيه في وقـت السـحــر دعـوة اثبـوت
العــين فـيها الصــدق مـن دمــع تبـكــيه
حــتى احـــس إني بهالـوقـــت مـمــقـوت
فـيني شــعـور(ن) نادم(ن) لـو اواســيه
طـــعــم المـــرارة فـيه لـو كان من تـوت
والقــلب عـــارف غـلطـــته فـي تمـاديه
مـــبداه غـلـطـه لـين ذنبـه غــدى بيــوت
صــرخة ضــمـير(ن) نادته كان يمــديه
يلحــق على التـوبة قــبل حــزة المـــوت
محـد(ن) عرف وقـت المنيه متى تجـيه
يا الله أنـا طــــالبك لا يـفـــوتني الفـــوت

شــــعـر
نواف بن يوســف الســعـداني

يوم الإثنــــين       19/04/1433هـ  ///  12/03/2012م



الفيديو الأول



الفيديو الثاني