(( يا اللي عـذلتـوا ))
يا اللي عــذلـتـوا قلبي با اللـي هـــويته
المـــبتـلي مـثلـي عـــســى الله يعـــــينه
مــــاني بـطــــــالبـكم ولانـي شـــــكـيته
مـا غـــيركم عـشــــاق هـــرج وظــنينه
شخص(ن) عذل ماهو بأنا اللي نصـيته
وإن جـــات شــكـوى مـاهـي إلا غــبينه
لــو كــان بـايـديـنـي أنـا امــشـي لـبيـته
مـلـيـــون لـبيــه(ن) لحـــســـــه ولـينـه
لو درب بيـته درب شـوك(ن) مـشـــيته
لجـــله كحــيـل العــــيـن تكــرم مـــديـنه
لـمــــيت كـل العـــمــــر يـوم إلتـقــــيتـه
وحــطــــيت روحــي كـلــها فـي يـديـنـه
من غــير ما يـطــلب عــيـوني عـطـيته
وسـلـمــت صــك الـروح عــنده رهــينه
و ازيـدكـم عـــلـمٍ(ن) تـرانـي شــــريته
يـوم(ن) وزنـت العــمــر وارجـح وزينه
طــــلع هـــواه أغـــلى مـن اللي بنيـته
وبنـــايـن وصــله لا حــصـــل مـغـتنينه
ومـن قـــال يلعــــب بي أبـد ما رعــيته
والســمع عـن شــين الحـكي قـاصـرينه
خــلـوه يـلعــــب بـي وأنـا اللـي فــديتـه
مـســتانس(ن) في لعـــبة يـديـن أمــينه
امـســـح تعـــب كــفـي ولا ما محــــيته
عـطــر(ن) بقـى في كـف صــافح يمـينه
حــلم المـصــافح طــول عـمــري بقـيته
ذكـراه تـســـري فـي خـــفـوقي سـكـينه
واللي حـكى فـي حـــب عـمــري نهـيته
ما اسـمـح لاحــد يدخــل ما بيني وبينه
شـــعـر
نواف بن يوســف الســعـداني
1415هـ /// 1995 م
