الصــداقة والحــب ..

(( الصـداقة و الحــب ))

ما دام إن الصداقة قـرب وطاري الحـب يبعـدني

لا بالله انسـى الحـب و خـلني لك صـديق ارحـم

لجــل خــــاطـر صـــداقـتنا طــلبتك لا تحــــددني

لأني لك باكون أوفى صـديق(ن) وإنت بي اعـلم

باقـــول إنك صـديقي بس .. وإنت لا تصـــدقني

أنا وإن قـلتها كلمـة ترى اللي بداخـلي اعـظــــم

وإذا دورك تكـون إنت صـــديقي .. لا تقــــيدني

عليك تقـوم في دورك وأنا دوري بهــواك احــلم

ما هو مطلوب منك اليوم تجيني غصب وتحبني

ترى المـطـلوب مـنك تقـول كـيف الحــب يتعــلم

أصــول الحـب عـندك غـير يا ليت إنك تعـلمـني

تدخـلني فـصــول القـلب واوعـــدك إني باتعـــلم

معـك خذني بياض أوراق تفنن فيني وارسـمني

ترى ربي خـلق لي قـلب احاسـيسـه معك ترسـم

تعـــال ونســـني عـمــري ترى تقــدر تغـــيرني

إذا قـلبي كـفــر بالحــــب فهــو لك آمـن وســـلم

أنا صـرت اشــبهك كلي واحـسـك حـيل تسـكني

وصرت اسمع نغـم صـوت من لساني وأنا اتكلم

أنا مــاني مـثل ظـلك اخــاف الظـلمـة تحجــبني

ولا تحــســـب صـــداقـتنا تخــليني اكـون ابكــم

تراني لك مـثل شــمـسـك وكلمة منك تشــرقني

وانور لك ســما روحـك لو العــالم وراك اظــلم

أنا محــتار في امـرك ووضـعـك حــيل شــتتني

إذا هـمك كلام النـاس أنـا لغــــيرك ولا اهــــتم

أنا هـمي اكــون ارضــك طـلـبتك لا تغـــــربني

طــلبتك ترســم اوطـاني تعــبت اقول لك ارحـم

شــــعــر

نواف بن يوسـف الســعـداني

13 / 12 / 1430هـ  ///  30/ 11 / 2009م