الاثنين، 20 فبراير، 2012

اقفـى وخــلاني بحــيره ..

(( خــلاني بحـيره ))

دعــاني بســلهـمة عـين(ن) مـثيره
وثـم اقـفـــى وخـــــلاني بـحــــــيره
وأنـا مـــدري وش اللي نـاوي فـيـه
واخـاف ألعــب معـه لعــبه خــطـيره
هي النظـــره وبســــمه ثـم يســـكت
حـروف(ن) تكـتب ألغــاز(ن) كـثيره
عجـزت أحــلها وارســــم لنفـــسـي
خطوط(ن) واضحة لدرب(ن) اسيره
رسـم طـيف(ن) يلازمـني بخـــيالي
مـعه افـكـاري صـــارت له اســــيره
وغـصــن البــان لا مــنه تـمـــــايل
مـعه قـلـبـي تـمــــايل فـي وتـيــــره
وصــرتي امشي وراه بكل خــطـوه
مــعـه رحـــــال مـن ديـــره لـديـــره
مــعه مـشــاني قـلبي دون مـــدري
وادل دروبـه لــو عــينـي ضــــريره
وصوف الحـسـن به تسحـرني كلي
بهـالدنيـــا أنـا مـا اشــــوف غـــيره
ولكـن ظـلـمـة الصـــمـت اتعـــبتني
وعـيت تشـــرق حـروف(ن) مـنيره
ألا ليتــه حـكى لـي لـو هـي كلمـــه
تحـــــدد مـوقفـه مـني ومـصــــيره
ولا خــلاني طــول العــمــر اعــاني
بعــــد مـا اقفـى وخــــلاني بحـــيره

شــعـر
نواف بن يوسف السعداني

1414هـ  ///  1993م