(( اعــتـــــذاري ))
جـــيت اقدم اعـــتذاري ... ندمان وباين انكساري
في رجا إنتي تسامحيني ... والرضى يطفي لي ناري
لا تصدقي عاذل حقود ... عمد الخطا ما له وجود
بس اسمعيني وافتحي ... قلبك ولا يزيد الصـــدود
قلتها كلمة وطالت ... عن قصدها ظلت ومالت
ودي اشرح لك وابيـّـن ... لكنها ظــروف استحالت
لا تزيدها شكوك ٍ تلوّن ... خابرك بي لا مـا تخـوّن
خــلك مثل ما أنت معي ... قريب ولهمومي تهـوّن
وشلون ترضى لي الأذيّه ... وتـشـمّت الحساد فـيّه
كــنـك تبيها مـن زمان ... اخطي وتزوّدها عليّه
وشلون تنسى كل وفــايه ... والذكريات اللي معايه
دور عـلـي موقف وفا ... يمكن تعــــدي لي خطايه
محد ٍسكن غيرك في بالي.. من رحت أنا عايش لحالي
رسمت لك أحلى الصور ... رسمتها لك فـي خيالي
الأمــل عندي بحـــنانك ... ترجع ويرجع لي زمانك
ترجع لقلــب ٍ حيل حبك ... ترجع لموطنك ومكانك
شــــعـر
نواف بن يوســف الســعـداني
11/12/1418هـ /// 08/04/1998م
