الاثنين، 6 فبراير 2012

ودي اعرف إنت صـدق(ن) أو خــيال


(( صـدق أو خــيال ))

ودي اعرف إنت صـدق(ن) أو خــيال
ضـــاعـت عــلومي وقـلبـي مــعـك لان
طـال صــبري وانتظـــر منك الـمــنال
شـوقي اتعـبني وعـسـى هالوقـت حـان
باحــكي عـن ليــله ولا كــل اللـيــــال
مـدري هـي أوهــام أو حـــالة جــــنان
يكفـي منها لـي عـمـت عـين المحــال
ســـافـرت بالقــلب من خـــوف لأمــان
 ليـلة مــثل الحـــلم فـيها ارتـاح بــال
مـن جــمـوح الليـل تطــلق لي عــنان
اطــرق ابـواب السـهـر لجــل الوصـال
لــين نـور من الرضى بالعــين بــــان
يـوم نـاداني ولــــه عــينك .. تعـــــال
جــاوبه لبيــــــه قـلبـي واللـســـــــان
ليـلنا طـــول وللــيـل الأنـس طــــــال
بين ضـحـك وضــــم عـطّـــرنا المكان
ما لحــقـنا نرتـوي وضـــاق المجـــال
كــيف مـــر اللـيــل اسـرع من ثــوان
يا صـــباح الــورد يا عــطــــر الـدلال
يا صــباح ســــرور بعـــيون افـــتتان
اســق صــدري من ندى وردك آمـــال
وخـلني مـنك اروي روحـي بالحـــنان
وإن كان وصـلك ما يصــير إلا بخــيال
كـــرر احــلامي مـعـك طــول الزمــان

شــــعـر

نواف بن يوســف الســعـداني

20/02/1431هـ  ///  05/02/2010م